Daha 3 mülki şəxs yaralandı

Bu gün səhər saatlarından başlayaraq Ermənistan ordusu Tərtəri ağır artilleriyadan atəşə tutur.

“telejurnal” “Qafqazinfo”ya istinadən xəbər verir ki, düşmən tərəfindən atılan mərmi nəticəsində rayonun Azad Qaraqoyunlu kənd sakini, 1978-ci il təvəllüdlü Mehdiyev İsmayıl Rüstəm oğlu yaralanıb.

Yaralı xəstəxanaya yerləşdirilib.

Qeyd edək ki, bu gün ümumilikdə Tərtərə 400-ə yaxın mərmi düşüb. Bu mərmilərdən biri mülki sakin 1982-ci il təvəllüdlü Həsənov Zabil Məhəmməd oğlunun ölümünə səbəb olub. Bundan başqa, bir sıra yaşayış evləri və iaşə obyektləri dağılıb.

Rayonun Dəmirçilər kəndində yaşayış evinin həyətinə düşən mərmi iki mülki sakinin yaralanmasına səbəb olub.

Onlar kənd sakinləri 1988-ci il təvəllüdlü İsmayılov Arzu Ramiz oğlu və 2000-ci il təvəllüdlü Alışanov Telman Nəriman oğludur. Qəlpə yaraları alan hər iki şəxs xəstəxanaya yerləşdirilib.