“ÇL-i qazanmaq tortun üzərindəki krem kimidir”
“Mançester Siti”nin futbolçusu Kayl Uoker Çempionlar Liqasının yarımfinalında “Real”a qarşı keçirəcəkləri cavab oyunu haqda danışıb.
Telejurnal UEFA-nın saytına istinadən xəbər verir ki, o, komandasının finala qədər irəliləmək və çempion olmaq gücünə malik olduğunu deyib:
“Komandamız Çempionlar Liqasını qazanmaq üçün kifayət qədər güclüdür. Çətin vəziyyətlərdən çıxmışıq, pis və yaxşı anlar yaşamışıq. ÇL-i qazanmaq tortun üzərindəki krem kimidir. Çempion olsaq, adlarımızı klubun tarixinə yazacağıq.
Bu, komandamızdakı hər kəs üçün böyük matçdır. Klub üçün inanılmaz dərəcədə vacib bir həftədir. Ümid edirəm ki, istədiyimiz nəticəni əldə edə biləcəyik”.
Qeyd edək ki, bu komandalar arasında ilk görüş 1:1 hesab ilə başa çatıb. Cavab oyunu bu gün Bakı vaxtı ilə saat 23:00-da başlayacaq.
