Çində kimyəvi məhsullar zavodundakı partlayışda 6 nəfər itkin düşüb
Pekin, 17 iyun, TELEJURNAL AZƏRTAC-a istinadən xəbər verir ki,
Çinin Qansu vilayətində kimyəvi məhsullar zavodunda baş verən partlayışda 6 nəfər itkin düşüb, 8 nəfər müxtəlif dərəcəli bədən xəsarəti alıb.
vilayət hökumətinin məsələyə dair açıqlamasına istinadla xəbər verir ki, hadisə iyunun 16-da axşam saatlarında Ləncou şəhərindəki pestisid şirkətinə məxsus zavodun çirkab suların təmizlənməsi sexində baş verib. Partlayışın 600 kvadratmetr sahəni əhatə etdiyi bildirilir. Hadisə yerinə təqribən 300 yanğınsöndürən, 47 xüsusi texnika cəlb olunub. Xəsarət alanlar xəstəxanalara yerləşdirilib. Onların həyatı üçün təhlükə yoxdur. Hazırda itkin düşənlərin axtarışları davam edir.
Qeyd edək ki, son illər Çində insan tələfatı ilə nəticələnən bir neçə partlayış qeydə alınıb. Ötən il Şiyan şəhərindəki bazarda 25 nəfərin ölümü, 100-dən çox adamın xəsarət alması ilə nəticələnən qaz xəttinin partlayışı baş vermişdi. 2019-cu ildə isə Yançen şəhərində kimyəvi məhsullar zavodunda baş verən partlayışda 78 nəfər ölmüş, yüzlərlə adam yaralanmışdı. Təxminən 300 milyon ABŞ dolları maddi zərərə səbəb olan hadisədən sonra səlahiyyətli qurumlar zavodun fəaliyyətini dayandırmışdı.