Budapeşt, Peç və Mişkolts şəhərləri iqlim baxımından neytral və ağıllı şəhərlər proqramında iştirak edəcəklər
Bakı, 8 iyul, TELEJURNAL AZƏRTAC-a istinadən xəbər verir ki,
Avropa Komissiyası 2030-cu ilə qədər iqlim baxımından neytral və ağıllı sayılan 100 şəhər yaradılması proqramında iştirak edəcək şəhərlərin seçimini başa çatdırıb.
həmin “bəxtəvər” şəhərlər arasında Macarıstanın paytaxtı da var. Bu barədə Budapeşt şəhər hökumətinin başçısı Gergey Karaçon öz Facebook səhifəsində paylaşım edib.
Onun sözlərinə görə, Budapeştdən 180 kilometr şimal-şərqdə yerləşən Mişkolts və paytaxtdan 170 kilometr cənub-qərbdə yerləşən Peç şəhərləri də həmin proqram üçün seçilib.
İndi bu üç şəhər 2050-ci ilə qədər iqlim baxımından neytral olmağa hazırlaşan bütün başqa Avropa şəhərlərinə kömək üçün eksperimental və innovasiyalı ekosistemlər kimi çıxış edəcəklər.
Bildirilir ki, Avropa layihəsinin büdcəsi 360 milyon avroya bərabərdir.
Xatırladaq ki, Azərbaycanda analoji pilot proqramı üçün Şərqi Zəngəzur iqtisadi rayonunun işğaldan azad edilmiş Zəngilan rayonundakı Ağalı kənd seçilib.