Bu vaxtadək Neft Fondu “Şahdəniz” qazı və kondensatının satışından 4,5 milyard dollar gəlir əldə edib

Ötən il Azərbaycan Respublikası Dövlət Neft Fondunun (ARDNF) “Şahdəniz” yatağı üzrə təbii qaz və kondensat satışından əldə etdiyi gəlirlər 884 milyon 793 min ABŞ dolları olub.

“TELEJURNAL” xəbər verir ki, bu barədə AZƏRTAC-a ARDNF-in İctimaiyyətlə əlaqələr departamentindən bildirilib. Qeyd olunub ki, o cümlədən 2021-ci ildə Neft Fondunun “Şahdəniz” yatağı üzrə kondensatın satışından gəlirləri 302 milyon 817 min dollar təşkil edib.
2007-ci ildən cari il yanvarın 1-dək isə fondun “Şahdəniz” yatağı üzrə qazın və kondensatın satışından əldə olunan ümumi gəlirləri 4 milyard 551 milyon dollar olub.