Bu il Azərbaycan Ukraynaya 216 milyon dollarlıq neft ixrac edib
Bu ilin yanvar-oktyabr aylarında Azərbaycan Ukraynaya 216,2 milyon ABŞ dolları dəyərində xam neft ixrac edib.
Telejurnal.az REPORT-a istinadən xəbər verir ki, bu barədə Ukraynanın Dövlət Gömrük Xidmətinin hesabatında bildirilir.
Məlumata görə, 10 ay ərzində Azərbaycan Ukraynanın xam neft idxalına çəkdiyi xərcdə 62,7% paya malik olub. Hesabat dövründə qarşı tərəfin xam neft idxalının ümumi dəyəri 344,85 milyon ABŞ dolları təşkil edib. Bu isə illik müqayisədə 9,3% çoxdur.
Son 1 ildə Ukrayna xam neft idxalının həcmini isə 1,7 dəfə artırıb və 1,05 milyon tona çatdırıb.
Yanvar-oktyabrda Ukrayna həmçinin ABŞ-dan 83,05 milyon dollar, Liviyadan 45,6 milyon dollar, digər ölkələrdən isə 0,1 milyon dollar dəyərində xam neft idxal edib.
10 ay ərzində Ukraynadan xam neft ixracı həyata keçirilməyib.
