Bu gün Avropa çempionatı başlayır – Açılışı Əliyar Ağayev edəcək
Bu gün futbol üzrə gənclər arasında (U-21) Avropa çempionatının final mərhələsi start götürür.
Telejurnal Qol.az-a istinadən xəbər verir ki, yarış 16 komandanın iştirak edəcəyi yarışa iki ölkə – Gürcüstan və Rumıniya ev sahibliyi edəcək.
Komandalar 4 qrupa bölünüb:
A qrupu: Gürcüstan (təşkilatçı ölkə), Portuqaliya, Belçika, Niderland
B qrupu: Rumıniya (təşkilatçı ölkə), İspaniya, Ukrayna, Xorvatiya
C qrupu: Çexiya, İngiltərə, Almaniya (hazırkı çempion), İsrail
D qrupu: Norveç, İsveçrə, Fransa, İtaliya
Yarışın açılış oyunu bu gün Tiflisdəki “Mixail Mesxi” adına stadionda keçiriləcək. Belçika və Niderland komandaları arasında keçiriləcək matçı başda Əliyar Ağayev olmaqla azərbaycanlı hakimlər briqadası idarə edəcək. Onun köməkçiləri Zeynal Zeynalov və Akif Əmirəli olacaqlar. Oyun Bakı vaxtı ilə saat 20:00-da başlanacaq.
Yarışa iyulun 8-də Batumi şəhərində keçiriləcək final qarşılaşması ilə yekun vurulacaq.
