Britaniya kəşfiyyatı: “Rusiya Krımın müdafiəsini gücləndirməyə başlayıb”

“Rusiya Krımın müdafiəsini gücləndirməyə başlayıb”.

Telejurnal  xəbər verir ki, bu barədə Böyük Britaniya Müdafiə Nazirliyi kəşfiyyat məlumatlarına əsasən bildirib.

Qeyd olunub ki, Rusiya bu istiqamətdə əhəmiyyətli səylər göstərir: “Rusiya Armyansk şəhərindən 3,5 km şimalda, Krımı Xerson vilayəti ilə birləşdirən dar körpünün üzərində, uzunluğu 9 km olan geniş müdafiə zonası qurub. Bu, onu deməyə əsas verir ki, Ukrayna qüvvələri Krıma hücum etmək iqtidarındadır”.

Bildirilib ki, Rusiya üçün əsas prioritet yarımadaya nəzarətdir.

Qeyd edək ki, Rusiya Krımı 2014-cü ildə ilhaq edib.

Xatırladaq ki, rəsmi Kiyevin mövqeyinə görə, müharibə Ukraynanın bütün torpaqlarının, o cümlədən Krımın azad olunması ilə başa çatmalıdır.