Braziliyada şiddətli yağış yağıb, ölənlər və itkin düşənlər var

Braziliyanın Rio Qrande-du-Sul ştatında güclü yağış nəticəsində 8 nəfər həyatını itirib, 19 nəfər isə itkin düşüb.

Telejurnal xəbər verir ki, rəsmilər son 24 saat ərzində normal şəraitdə iyun ayı ərzində gözləniləndən iki dəfə çox yağış yağdığını bildiriblər.

Tufan səbəbindən bir çox yollar nəqliyyat üçün bağlanıb, əyalətin böyük şəhərlərinə uçuşlar ləğv edilib.

Qubernator Eduardo Leite Sao 8 nəfərin öldüyünü, 19 nəfərin itkin düşdüyünü açıqlayıb.

Qubernatora görə, hazırda əsas prioritet itkin düşənləri tapmaq və daşqınlar nəticəsində evlərində qapalı qalanları xilas etməkdir.

O, həmçinin Braziliya Prezidenti Luiz İnasio Lula da Silvanın federal yardım təklif etdiyini bildirib.