Böyük Britaniyada inflyasiya 40 ilin pik həddinə çatıb.
Böyük Britaniyada inflyasiya 40 ilin pik həddinə çatıb.
TELEJURNAL. az AZƏRTAC-a istinadla xəbər verir ki, Böyük Britaniyada illik inflyasiya iyun ayında 9,4 faizə yüksəlib, bu, 1982-ci ilin fevralından bəri ən yüksək səviyyədir.
Milli Statistika İdarəsi tərəfindən açıqlanan rəqəmlərə görə son bir ayda inflyasiya 0,3 faiz artıb.
Xüsusilə yanacaq və ərzaq məhsullarının bahalaşması inflyasiyanın artmasında təsirli olub. İyun ayında ərzaq məhsullarının qiymətlərində artım tempi 9,8 faiz təşkil edib.
May ayında bu nisbət 8,7 faiz idi və İngiltərədə ərzaq qiymətləri 2009-cu ilin mart ayından bəri bu sürətlə artmayıb.
Qiymətləri ən çox bahalaşan məhsullar isə süd, pendir və yumurtadır.
İngiltərə Bankı bundan əvvəl bu il ölkədə illik inflyasiyanın 11 faizə yüksələ biləcəyi barədə xəbərdarlıq etmişdi. Ölkədə faiz artımlarının davam edəcəyi gözlənilir.