BNA: Yollardakı sıxlıq marşrut avtobuslarının intervalına mənfi təsir edir
Hazırda bir sıra küçə və prospektlərdə nəqliyyat vasitələrinin hərəkətində sıxlıq müşahidə olunur.
Telejurnal.az REPORT-a istinadən xəbər verir ki, bu barədə Bakı Nəqliyyat Agentliyinin mətbuat xidmətinin rəhbəri Mais Ağayev məlumat verib.
M.Ağayevin sözlərinə görə, 14 müxtəlif istiqamətdə sıxlıq mövcuddur: “Onlar Bakı-Sumqayıt şosesi-20 Yanvar dairəsi, K.Rəhimov küçəsi-hər iki istiqamət, Z.Əliyeva küçəsi, Y.Səfərov küçəsi-H.Əliyev prospekti istiqaməti, Ü.Hacıbəyov küçəsi, H.Əliyev prospekti əsas yol “Koroğlu” m/st-sı istiqaməti, M.Hadi küçəsi “Əhmədli” m/st-sı istiqaməti, Z.Bünyadov prospekti hər iki istiqamət, A.Salamzadə küçəsi hər iki istiqamət, R.Behbudov küçəsi, Tbilisi prospekti hər iki istiqamət, Binəqədi şossesi-Binəqədi istiqaməti və Azneft dairəsidir.
Məlumat üçün qeyd edim ki, yollarda sıxlıq müxtəlif istiqamətlərdə müntəzəm və ekspres xətlər üzrə avtobusların hərəkət intervalına da mənfi təsir etməkdədir”.
