BMTM-in İdarə Heyətinin sədri: Ermənistanda sülh əleyhinə olan müəyyən qüvvələr vəziyyəti gərginləşdirməyə çalışırlar

Ermənistanın müvafiq dövlət qurumları, xüsusən də Xarici İşlər və Müdafiə nazirlikləri Baş nazir Nikol Paşinyanın siyasətini bəyənmir, onun tezislərinə, göstərişlərinə artıq tam tabe olmurlar.

“TELEJURNAL” AZƏRTAC-a isinadən xəbər verir ki, bu sözləri Beynəlxalq Münasibətlərin Təhlili Mərkəzinin (BMTM) İdarə Heyətinin sədri Fərid Şəfiyev jurnalistlərə açıqlamasında deyib.

Onun sözlərinə görə, Ermənistanda sülh əleyhinə olan müəyyən qüvvələr münaqişəni yenidən gündəmə gətirməklə vəziyyəti gərginləşdirməyə çalışırlar.

“Amma inanmıram ki, Ermənistanın vəziyyətə təsir etməsi üçün potensialı var. Ermənistan hökuməti son iki ayda müəyyən müsbət addımlar atıb. Bu addımlar davamlı olmalıdır. Onlar başa düşməlidirlər ki, bu addımlar erməni xalqının xeyrinədir”, – deyə F.Şəfiyev vurğulayıb.

Mərkəz rəhbəri bildirib ki, Azərbaycan Ermənistanın təxribatlarına cavab verməyə qadirdir. Sərhəddə baş verən son hadisələr göstərdi ki, Azərbaycan Ordusu düşmənə tutarlı cavab verməyə hazırdır.

https://azertag.az/xeber/BMTM_in_Idare_Heyetinin_sedri_Ermenistanda_sulh_eleyhine_olan_mueyyen_quvveler_veziyyeti_gerginlesdirmeye_chalisirlar-1978854