BMT-də Rusiyanın Ukraynada qarşı müharibəsi ilə bağlı dinləmələr keçiriləcək
İyul ayı ərzində Rusiyanın Ukraynada apardığı genişmiqyaslı müharibə ilə bağlı BMT Təhlükəsizlik Şurasında (TŞ) dinləmələr keçiriləcək və bölgədə cərəyan edən hadisələr gündəmdə olacaq.
Telejurnal xəbər verir ki, bu barədə Britaniyanın BMT-dəki daimi nümayəndəsi Barbara Vudvord təşkilatın Nyu-Yorkdakı baş qərargahında iyul ayı ərzində TŞ-ın gündəmi ilə bağlı jurnalistlərin suallarını cavablandırarkən deyib.
Bununla yanaşı, Birləşmiş Krallığın rəhbərliyi ilə iyul ayı ərzində süni intellektlə (AI) bağlı xüsusi iclas keçiriləcək. Səfir süni intellektin sülh və təhlükəsizliyi təhdid etdiyini və nüvə silahlarının bu fəaliyyətin tərkib hissəsi olduğunu deyib.
Qeyd edək ki, BMT Təhlükəsizlik Şurasına (TŞ) sədrlik Birləşmiş Ərəb Əmirliklərindən (BƏƏ) Böyük Britaniyaya keçib.
