Blinken İsveçin NATO-ya üzvlüyünün iyulda baş tutacağına ümid edib

Isveçin rəsmi olaraq NATO-ya üzv olacağını gözləyirəm.

”Telejurnal.az” xəbər verir ki, bu barədə ABŞ dövlət katibi Entoni Blinken bildirib.

O, bu prosesin iyulda Vilnüsdə keçiriləcək alyansın sammitində reallaşacağına ümid edib.

“Hər bir müttəfiq indi İsveçin alyansa rəsmi şəkildə qoşulmasının vaxtı olduğunu əminliklə ifadə edib”, – deyə ABŞ-in baş diplomatı bildirib.

NATO-nun sammiti iyulun 11-12-də Litvanın paytaxtında keçiriləcək.

Ötən həftə alyansın baş katibi Yens Stoltenberq İsveçin üzvlüyünün ratifikasiyasının NATO sammitinə qədər tamamlanacağına ümid etdiyini bildirib.