Biz əvvəlki illərə nisbətən turizmdə müəyyən qədər canlanma hiss edirik-Ceyhun Aşurov
Turistlərin ən çox səyahət etdiyi yerlər Avropa ölkələridir. Demək olar ki, səyahət edən qlobal turistlərdən, iki nəfərdən biri avropalıdır. Belə ki, səfər edənlərində təxminən yarısı Avropaya səfər edir.
Ona görə də, Avropa ölkələri burada üstünlük təşkil edir. Belə ölkələrə İspanya, Fransa, Böyük Britaniya, Almaniyanı nəzərdə tutmaq olar.
Bununla bağlı Telejurnal-a danışan Ceyhun Aşurov qeyd edib ki, dünya ölkələri arasında daha çox səyahət edilən ölkələrindən biri də Türkiyədir. Türkiyə top 10-da olan ölkələrdəndir. Amerika Birləşmiş Ştatları, Meksika və s. turizm ölkələri sayılırlar. Türkiyə pandemiyadan sonra 50 milyondan çox əcnəbini qəbul edib. Dünyada bu göstəriciləri pandemiyadan əvvələ nəzərən, tamamlayan ölkələrdən biri oldu.
Baxmayaraq ki, bizim quru sərhədlərimiz bağlıdır, lakin hava nəqliyyatımız açıqdır. Bunun vasitəsiylə Azarbaycana səfərlər etmək mümkündür. Eyni zamanda Azərbaycan vətəndaşları da hava nəqliyyatı vasitəsiylə xarici ölkələrə səyahət edə bilərlər. Həmçinin , qeyd etmək istərdim ki, bu uçuş nöqtələrinin sayı artıb. Biz əvvəlki illərə nisbətən turizmdə müəyyən qədər canlanma hiss edirik. Və ümid edirik ki, bu ilin sonuna qədər bu göstəricilər əvvəlki illərə nisbətən daha da yaxşı olacaq.
Vəfa Ustayeva
