”Beynəlxalq Gənclər Günü”nə həsr olunmuş tədbir keçirilib
12 avqust 2022-ci il tarixində Azərbaycan Menecment və İnvestisiya Korporasiyasının dəstəyi, “GUYS” İctimai Birliyi və “Ekoloji Təmiz Məhsul İstehsalçıları və İxracatçıları” İctimai Birliyinin təşkilatçılığı ilə “Beynəlxalq Gənclər Günü”nə həsr olunmuş tədbir keçirilib.
Qurumun mətbuat xidmətindən TELEJURNAL-a verilən məlumata görə görüşü açılış nitqi ilə tədbirin moderatoru Mübariz Quliyev açıb. Tədbirin davamı isə interaktiv şəkildə davam edib. Ölkənin siyasi və ictimai həyatında xüsusi fəaliyyətləri ilə seçilən gənclərin iştirakı nəticəsində keçirilən tədbirdə gəncləri əhatə edən müxtəlif mövzular geniş müzakirə olunub. Əsas müzakirə mövzulardan biri isə yerli və beynəlxalq arenada gənclərin iştirakçılığının təmin edilməsində qarşıya çıxan problemlər olub. Problemlər geniş şəkildə müzakirə edilib və qeyd edilən problemlərin aradan qaldırılması üçün birgə fəaliyyətin göstərilməsi qərara alınıb.
Qeyd edək ki, bu istiqamətdə görüşlər davamlı şəkildə təşkil olunacaq.
Bir daha Beynəlxalq Gənclər Günü münasibətilə gənclərimizi təbrik edir, fəaliyyətlərində bol-bol uğurlar arzulayırıq!