Bayden Hərbi Hava Qüvvələrinin yeni qərargah rəisi olmağa namizədini irəli sürüb

ABŞ Prezidenti Cozef Bayden Silahlı Qüvvələrin Birləşmiş Qərargah Rəisləri Komitəsinin (BQRK) sədri vəzifəsini tuta biləcək Çarlz Braunun yerinə Hərbi Hava Qüvvələrinin Baş Qərargah rəisi vəzifəsinə general Devid Olvinin namizədliyini irəli sürüb.

TELEJURNAL  xəbər verir ki, bu barədə “Politico” qəzeti məlumat yayıb.

Məlumata görə, Olvinin namizədliyi irəli sürülüb, lakin hələlik rəsmi açıqlama verilməyib.

Çarlz Braun, öz növbəsində, ABŞ Konqresinin Senatı tərəfindən təsdiqlənəcəyi təqdirdə BQRK rəhbəri postunda general Mark Millini əvəz edəcək.