Bakıda keçmiş Baş nazir və XİN başçısı Həsən Həsənovun kitabının təqdimatı olub
Beynəlxalq Münasibətlərin Təhlili Mərkəzində (BMTM) Azərbaycanın keçmiş Baş və xarici işlər naziri, dövlət xadimi, diplomat Həsən Həsənovun müəllifi olduğu “Topların gurultusu altında diplomatiya: Azərbaycan Respublikasının ilk diplomatik missiyası” adlı kitabın təqdimat mərasimi keçirilib.
“TELEJURNAL” “Report”a istinadən xəbər verir ki, BMT-nin dəstəyi ilə ərsəyə gəlmiş kitabda 1992-1993-ü ildə BMT Təhlükəsizlik Şurasının Ermənistan-Azərbaycan münaqişəsinə dair qətnamələrinin qəbulu prosesindən bəhs olunur. Azərbaycanın BMT yanındakı nümayəndəliyinin ilk rəhbəri olmuş Həsən Həsənov şəxsi təcrübələri əsasında kitabda Ermənistan-Azərbaycan münaqişəsi fonunda missiyanın formalaşmasından, fəaliyyətindən və üzləşdiyi çağırışlardan yazır.
Müəllif bu kitabı hələ nazir olarkən yazmağa başladığını, daha sonra deputat olarkən kitaba daha çox vaxt ayırdığını bildirib.
Rus dilində nəşr olunmuş kitab ADA Universiteti tərəfindən beynəlxalq əlaqələr ixtisası üzrə təhsil alan tələbələr üçün əlavə tədris vəsaiti kimi tövsiyə olunur.
