Bakı-Şuşa-Bakı marşrutu üzrə ilk sərnişin avtobusu yola düşüb

24 Yanvar 2022

Bakıdan Şuşa şəhərinə ilk sərnişin avtobusu yola düşüb.

“TELEJURNAL” AZƏRTAC-a istinadən xəbər verir ki, avtobus Bakı Beynəlxalq və Şəhərlərarası Avtovağzal Kompleksindən 06:30-da Şuşa istiqamətinə hərəkətə başlayıb.

İlk olaraq Şuşaya 2 marşrut avtobusu xəttə buraxılıb. Şuşa ilə yanaşı Bakı Beynəlxalq və Şəhərlərarası Avtovağzal Kompleksindən Bakı-Ağdam-Bakı marşrutları da start götürüb.

Xatırladaq ki, Bakı-Şuşa-Bakı avtobus reysi həftədə iki dəfə həyata keçiriləcək. Bakıdan Şuşaya avtobus bileti 10 manat 40 qəpikdir.

https://azertag.az/xeber/Baki_Susa_Baki_marsrutu_uzre_ilk_sernisin_avtobusu_yola_dusub-1983308

Sizin reklamınız burada ola bilər.