“Azəriqaz”ın rəhbərliyi Gəncə sahibkarları ilə görüşəcək

“Azəriqaz” İB-nin “Açıq mikrofon” aksiyası bu dəfə Gəncədə təşkil olunacaq.

‘TELEJURNAL’ İB-dən  AZƏRTAC-a bildirilən məlumata istinadən xəbər verir  ki, “Azəriqaz”ın rəhbər şəxsləri Gəncə şəhəri, Gülüstan qəsəbəsində (14 nömrəli məktəbin yanı) baş tutacaq aksiyada sahibkarları maraqlandıran sualları cavablandıracaqlar. Səyyar qəbul otağı dekabrın 9-da saat 11:00-dan 13:00-a qədər sahibkarların xidmətində olacaq. İstənilən təklif və problemlər yerindəcə aydınlaşdırılacaq və müvafiq qərarlar veriləcək. “Azəriqaz” İstehsalat Birliyi ölkədə sahibkarlığın inkişafı üçün üzərinə düşən vəzifələrin icrasına daim diqqətlə yanaşır.

https://azertag.az/xeber/Azeriqazin_rehberliyi_Gence_sahibkarlari_ile_gorusecek-1945062