“Azəriqaz” şəhid ailələrinin qaz təsərrüfatına dair müraciətlərini diqqətdə saxlayır

“Azəriqaz” İstehsalat Birliyi (İB) qazilərin, eləcə də torpaqlarımızın azadlığı uğrunda canından keçən şəhid ailələrinin qaz təsərrüfatına dair müraciətlərini diqqətdə saxlayır.
“TELEJURNAL” AZƏRTAC-a istinadən xəbər verir ki, belə müraciətlərdən biri də 1-ci Qarabağ müharibəsində qəhrəmancasına şəhidlik zirvəsinə ucalan Arzuman Rüstəmovun ailə üzvləri tərəfindən ünvanlanıb. Bərdə rayonunun Güloğlular kəndində şəhidin ailə üzvlərinin yaşadığı fərdi yaşayış evində təbii qaz olmadığından şəhid ailəsi bununla bağlı “Azəriqaz” İB-yə müraciət edib. Bu müraciət də cavabsız qalmayıb. Qısa müddət ərzində şəhidin ailəsinin yaşadığı fərdi yaşayış evi təbii qazla təmin edilib.