“Azəriqaz”: Azərbaycanda ötən il qaz istehlakı əvvəlki illə müqayisədə 11,5 faiz çox olub

Ötən il “Azəriqaz” İstehsalat Birliyi üçün uğurlu il olub.
“TELEJURNAL” AZƏRTAC-a istinadən xəbər verir ki, bunu birliyin baş direktoru Ruslan Əliyev deyib.
Baş direktor qeyd edib ki, birlik ötən il 7,52 milyard kubmetr qaz qəbul edib. Bu, 2020-ci illə müqayisədə 774 milyon kubmetr və ya 11,5 faiz çoxdur. Əvvəlki illərlə müqayisədə ötən il daha çox qaz qəbul olunub.
R.Əliyev bildirib ki, istehlak edilən qazın 5,43 milyard kubmetri əhali xətləri üzrə olub, 2,1 milyard kubmetri isə sənaye xətlərinin payına düşüb.