Azərbaycanla Yaponiyanın KOB-ları arasında ticarət əlaqələrinin genişləndirilməsi müzakirə olunub

Azərbaycan ilə Yaponiyanın KOB-ları arasında ticarət əlaqələrinin genişləndirilməsi müzakirə olunub.

Telejurnal.az AZƏRTAC-a istinadən bildirir ki, Kiçik və Orta Biznesin İnkişafı Agentliyinin (KOBİA) idarə heyətinin sədri Orxan Məmmədov və Yaponiyanın ölkəmizdəki səfiri Cuniçi Vada arasında görüş keçirilib. Görüşdə agentliyin fəaliyyəti və KOB-lara göstərilən dəstək mexanizmləri barədə məlumat verilib, əməkdaşlıq imkanlarına, o cümlədən iki ölkənin KOB-ları arasında ticarət əlaqələrinin genişləndirilməsinə, birgə layihələrin reallaşdırılmasına və bu prosesdə KOBİA-nın dəstəyinə, qarşılıqlı olaraq potensial investisiya layihələrinin mübadiləsinə, Yaponiyanın müvafiq qurumları ilə əlaqələrin qurulmasına dair fikir mübadiləsi aparılıb.
Səfir C.Vada KOB sahəsində Yaponiyanın müvafiq qurumları ilə KOBİA arasında əlaqələrin qurulmasına və mövcud əlaqələrin genişləndirilməsinə dəstək göstəriləcəyini bildirib.