Azərbaycanla Avropa Parlamenti arasında əlaqələrin inkişaf perspektivləri müzakirə olunub.
İyulun 19-da Milli Məclisin Beynəlxalq münasibətlər və parlamentlərarası əlaqələr komitəsinin sədri, AŞPA-da Azərbaycan nümayəndə heyətinin rəhbəri Səməd Seyidov ölkəmizdə səfərdə olan Avropa Parlamentinin Xarici əlaqələr komitəsinin sədri Devid MakAlisterin başçılıq etdiyi nümayəndə heyəti ilə görüşüb.
Milli Məclisin Mətbuat və ictimaiyyətlə əlaqələr şöbəsindən TELEJURNAL. az AZƏRTAC-a istinadla bildirir ki, görüşdə Azərbaycanın Avropa Parlamenti ilə əlaqələrindən bəhs edilib, münasibətlərimizin inkişaf perspektivləri və digər məsələlər barədə fikir mübadiləsi aparılıb.
Görüşdə Milli Məclisin deputatları Tural Gəncəliyev, Erkin Qədirli, Nigar Arpadarai, Sevil Mikayılova, Avropa Parlamentinin deputatları və digər rəsmi şəxslər iştirak ediblər.
