Azərbaycanın ən çox ticarət əməliyyatları apardığı Körfəz ölkələrinin adları açıqlanıb
Yanvar-oktyabr aylarında Azərbaycanın ən çox ticarət əməliyyatları apardığı Körfəz ölkələri sırasında ilk üçlükdə İran, Birləşmiş Ərəb Əmirlikləri (BƏƏ) və Səudiyyə Ərəbistanı qərarlaşıb.
‘TELEJURNAL’ ‘AZƏRTAC’-ın Dövlət Gömrük Komitəsinin məlumatına istinadla verdiyi xəbərə əsasən bildirir ki, hesabat dövründə ölkəmizin İranla ticarət dövriyyəsinin dəyəri 337,2 milyon ABŞ dolları, BƏƏ ilə 36,2 milyon dollar, Səudiyyə Ərəbistanı ilə 15,8 milyon dollar olub. Hər üç ölkə ilə ticarət dövriyyəsi 2020-ci ilin müvafiq dövrünə nisbətən artıb.
Bu ölkələr, eyni zamanda, Azərbaycanın ən çox məhsul idxal etdiyi Körfəz ölkələri sırasında da ilk üçlükdədir. İrandan idxalın dəyəri 311,1 milyon dollar, BƏƏ-dən 24,9 milyon dollar, Səudiyyə Ərəbistanından isə 12,4 milyon dollar təşkil edib. İran və Səudiyyə ilə idxal əməliyyatları artıb, BƏƏ ilə isə cüzi azalıb.
https://azertag.az/xeber/Azerbaycanin_en_chox_ticaret_emeliyyatlari_apardigi_Korfez_olkelerinin_adlari_achiqlanib-1943150