Azərbaycanın basketbol millisi Avropa Kubokunun seçmə mərhələsində yarımfinala yüksəlib – YENİLƏNİB

17 İyun 2023

Azərbaycanın qadınlardan ibarət 3×3 basketbol üzrə milli komandası Avropa Kubokunun seçmə mərhələsində yarımfinala yüksəlib.

“Telejurnal” ın məlumatına görə, yığma Kiprin Limassol şəhərində keçirilən yarışın qrup mərhələsinin son oyununda İrlandiyanı üstələyib.

Rəqibini 16:10 hesabı ilə məğlub edən qadınlar iyunun 18-də yarımfinal matçına çıxacaqlar.

Kişilərdən ibarət Azərbaycan millisi isə qrupdakı ikinci qarşılaşmasında yerli Kipr seçməsinə 11:22 hesabı ilə uduzub. Yığma qrupda sonuncu oyununu iyunun 18-də keçirəcək. Bakı vaxtı ilə saat 12:15-də start götürəcək görüşdə rəqib Lüksemburq olacaq.

3×3 basketbol üzrə Azərbaycan milliləri Kiprin Limassol şəhərində keçirilən Avropa Kubokunun seçmə mərhələsinə qələbə ilə start götürüblər.

Azərbaycan Basketbol Federasiyasından “Telejurnal” a verilən məlumatına görə, qadınlardan ibarət yığma açılış oyununda A qrupunda yer alan Malta seçməsini əlavə vaxtda 17:15 hesabı ilə məğlub edib.

Kişilərdən ibarət milli də Maltadan güclü olub – 20:14. Kişi basketbolçular qrupda növbəti matçlarını Bakı vaxtı ilə saat 16:50-də yerli Kiprə qarşı keçirəcəklər.

Bundan 50 dəqiqə sonra isə qadınlardan ibarət komanda İrlandiya ilə üz-üzə gələcək.

Sizin reklamınız burada ola bilər.