Azərbaycanın bağçılıq üzrə mütəxəssisləri Pakistanda səfərdədir
Bu gün Azərbaycanın bağçılıq üzrə mütəxəssislərindən ibarət nümayəndə heyəti Pakistana səfərə gəlib.
TELEJURNAL Pakistan mətbuatına istinadən verdiyi məlumata görə, bu barədə bu ölkənin Baş naziri Şahbaz Şərif məlumat verib.
O, bu səfərin onun dəvəti ilə baş tutduğunu bildirib.
“Biz Kəraçi, Pişəvər, Kvetta və Lahorun mənzərələrini Bakı qədər gözəl etmək üçün onların təcrübəsini öyrənmək istəyirik”, -deyə Ş. Şərif qeyd edib.
Baş nazir həmçinin qeyd edib ki, Azərbaycan Prezidenti ilə bu yaxınlarda keçirilən məhsuldar danışıqlara gəlincə, hökumətin “Azərbaycan Hava Yolları” QSC-nin təyyarələrinin İslamabad, Lahor və Kəraçidə eniş etməyə icazə verilib. O əlavə edib ki, bu, turizm və investisiyaların inkişafı və iki ölkə arasında nümayəndə heyətlərinin mübadiləsi üçün irəliyə doğru böyük addımdır.
