Azərbaycanın 3 cüdoçusu EYOF-da finala çıxıb.
Bu gün Slovakiyanın Banska Bistritsa şəhərində keçirilən Avropa Gənclər Olimpiya Festivalında (EYOF) Azərbaycanın 3 cüdoçusu finala yüksəlib.
TELEJURNAL. az Report-a istinadən xəbər verir ki, bu gün EYOF-da cüdo yarışlarına start verilib.
48 kq çəkidə mübarizə aparan Könül Əliyeva yarımfinal görüşündə böyük britaniyalı Samə Şavı məğlub edərək finala çıxıb. Əliyeva finalda italiyalı İlariya Finestrone ilə qızıl medal uğrunda gücünü sınayacaq.
55 kq çəkidə yarışan Murad Əliyev yarımfinalda türkiyəli Tuncay Türkmana qalib gələrək finala çıxıb. Finalda Əliyev gürcüstanlı Daviti Lomitaşvili ilə qızıl medal uğrunda mübarizə aparacaq.
Həmçinin, 60 kq çəkidə yarışan Nurlan Kərimli almaniyalı Floriyan Bökkerə qalib gələrək finala yüksəlib. O, finalda niderlandlı Cokhem fan Hartenlə qızıl medal uğrunda tatamiyə çıxacaq.
