Azərbaycanda bankların daxili imkanları hesabına ipoteka kreditləşməsinin payı 40 %-ə yaxınlaşıb
2021-ci ilin ortalarından başlayaraq Azərbaycan bankları öz vəsaitləri hesabına ipoteka kreditləşməsini genişləndirməyə başlayıblar.
“TELEJURNAL.AZ” “Report”a istinadən xəbər verir ki, bu barədə hökumətdəki mənbə bildirib.
“Əgər o vaxta qədər İpoteka və Kredit Zəmanət Fondunun xətti ilə verilən ipoteka kreditlərinin xüsüsi çəkisi təxminən 80 % idisə, hazırda 61,5 %-ə düşüb. Belə ki, 2,6 milyard manatlıq ipoteka portfelinin 1 milyard manatlıq hissəsi və yaxud 38,5 %-i bankların daxili imkanlarının hesabınadır”, – deyə o, qeyd edib.
Bankların öz vəsaitləri hesabına biznes kreditləşməsindəki payı isə 88 %-dir.
“Son vaxtlar dövlət xətti ilə verilən biznes kreditlərinin məbləğində əhəmiyyətli artım müşahidə edilmir. Bu da onunla bağlıdır ki, ayrılan vəsait amortizasiya olan vəsaitlə eynidir”, – deyə mənbə əlavə edib.
