25 baxış
Bu yazını paylaşın
Siyasi

Azərbaycan-Yaponiya münasibətlərinin daha da inkişafı üçün geniş imkanlar mövcuddur

18 Fevral 2022

Azərbaycan və Yaponiyanın ali qanunverici orqanlarında fəaliyyət göstərən parlamentlərarası əlaqələr üzrə dostluq qruplarının onlayn görüşü keçirilib.
“TELEJURNAL” AZƏRTAC-a istinadən xəbər verir ki, Parlamentin mətbuat və ictimaiyyətlə əlaqələr şöbəsindən bildirilib ki, görüşdə Milli Məclisin deputatı, Yaponiya ilə parlamentlərarası əlaqələr üzrə işçi qrupunun rəhbəri Əminə Ağazadə həmkarı Akira Amari salamlayaraq, son parlament seçkilərində onun mənsub olduğu Liberal Demokrat Partiyasının qalib gəlməsi münasibətilə təbriklərini çatdırıb. Deputat Azərbaycanla Yaponiya arasında münasibətlərdən danışaraq, ölkələrimiz arasında dostluğun və qarşılıqlı faydalı əməkdaşlığın mövcud olduğunu qeyd edib.
Onlayn görüşdə Əminə Ağazadə həmkarına Azərbaycanın Vətən müharibəsində qazandığı Qələbədən, erməni işğalından azad olunmuş ərazilərimizdə aparılan bərpa və quruculuq işləri, xarici ölkələrin, o cümlədən yapon investorların bu prosesdə iştirakı imkanları barədə danışıb. O, Yaponiya şirkətlərinin fəaliyyətini yüksək qiymətləndirib.
Yaponiya-Azərbaycan parlamentlərarası işçi qrupunun rəhbəri Akira Amari bildirib ki, bu il ölkələrimiz arasında diplomatik münasibətlərin qurulmasının 30-cu ildönümü tamam olur. Dostluq qrupunun rəhbəri vurğulayıb ki, yüksəksəviyyəli qarşılıqlı rəsmi səfərlər Yaponiya ilə Azərbaycan arasında əməkdaşlıq münasibətlərinin inkişafına xüsusi təkan verib.
Görüşdə diqqətə çatdırılıb ki, Azərbaycan ilə Yaponiya arasında bir çox sahələri əhatə edən münasibətlər parlamentlər səviyyəsində də uğurla inkişaf edir. Ölkələrimiz arasında imzalanmış çoxsaylı sənədlər əməkdaşlığımızın hüquqi bazasını formalaşdırıb. Qeyd olunub ki, ikitərəfli münasibətlərin, xüsusilə Azərbaycan və Yaponiya parlamentləri arasında əlaqələrin daha da inkişaf etdirilməsi üçün geniş imkanlar mövcuddur.
Söhbət zamanı Azərbaycan ilə Yaponiya arasında gələcək əməkdaşlığın perspektivləri müzakirə olunub.

Sizin reklamınız burada ola bilər.

Oxşar paylaşımlar

Müdafiə Nazirliyində yeni təyinat olub

04 Avqust 2023
Müdafiə Nazirliyinin İnnovativ texnologiyalar və yeni layihələr şöbəsinin rəisi…

Azərbaycanda dövlət borcu ilə bağlı 2026-cı ilə qədərki hədəflər dəyişib

04 Avqust 2023
Prezident İlham Əliyev 22 iyul 2022-ci il tarixli sərəncamı…

“Kosmik fəaliyyət haqqında” qanun təsdiqlənib

04 Avqust 2023
Prezident İlham Əliyev "Kosmik fəaliyyət haqqında" Azərbaycan Respublikasının Qanununu…

KİV: “Putin ABŞ-dakı prezident seçkilərinə qədər müharibəni uzatmağa çalışır, ümidi Trampadır”

04 Avqust 2023
Rusiyanın dövlət başçısı Vladimir Putin 2024-cü ildə ABŞ-da keçiriləcək…