Azərbaycan Türkiyə ilə nəqliyyat və turizm əməkdaşlığını müzakirə edib

İqtisadiyyat naziri Mikayıl Cabbarov Türkiyənin ticarət naziri Ömer Bolatla nəqliyyat, turizm, müasir standartlaşdırma və texniki tənzimləmə sistemi sahələrində əməkdaşlıq imkanları barədə müzakirələr aparıb.

Telejurnal  xəbər verir ki, bunu azərbaycanlı nazir tviter hesabında bildirib.

Onun sözlərinə görə, müzakirələr Türkiyəyə işgüzar səfər çərçivəsində baş tutub, iqtisadi tərəfdaşlığın genişləndirilməsinə xidmət edən birgə təşəbbüslər, Preferensial Ticarət Sazişinin icrasının ticarət əlaqələrin gücləndirilməsinə verdiyi töhfələrlə bağlı fikir mübadiləsi aparılıb.