Azərbaycan Silahlı Qüvvələrinin daha 6 hərbçisi şəhid olub, şəhidlərin sayı 77-yə çatıb – SİYAHI
Ermənistan silahlı qüvvələrinin törətdiyi təxribatların qarşısını alarkən Azərbaycan Silahlı Qüvvələrinin daha 6 hərbi qulluqçusu şəhid olub.
“TELEJURNAL.AZ” “Report”a istinadən xəbər verir ki, bu barədə Müdafiə Nazirliyindən məlumat verilib.
Bununla da, erməni təxribatlarının qarşısını alarkən şəhidlik zirvəsinə ucalan hərbi qulluqçuların sayı 77-yə çatıb.
Qeyd edək ki, sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycanla dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilib.
Hüseynli Rəşad Ramiz oğlu – baş çavuş
Balaşzadə Röyal Atduxan oğlu – əsgər
Kəlbiyev İsa Rəhim oğlu – əsgər
Qarazadə Nicat Malik oğlu – əsgər
Qənbərli Rəşad Əlizamin oğlu – əsgər
Süleymanov Turxan İdris oğlu – əsgər
