Azərbaycan qlobal İT nəhəngi ilə əməkdaşlıq imkanlarını müzakirə edib

Rəqəmsal inkişaf və nəqliyyat naziri Rəşad Nəbiyev Hindistana məxsus qlobal İT nəhəngi “Tech Mahindra” şirkətinin baş vitse-prezidenti Sandip Padke ilə görüşərək onunla əməkdaşlıq imkanlarını müzakirə edib.

“Telejurnal” xəbər verir ki, bunu nazir tviter hesabında bildirib.

“S.Padke ilə ölkəmizdə xarici şirkətlər üçün yaradılmış əlverişli biznes mühiti və İKT sahəsində tətbiq edilən güzəşt və imtiyazlar haqqında danışdıq. İki tərəf arasında bilik və texnologiyanın ötürülməsini asanlaşdıracaq uzunmüddətli əməkdaşlıq formatlarını müzakirə etdik”, – deyə o qeyd edib.