Azərbaycan qarşılıqlı turizm xidmətləri dövriyyəsini 34 %-dən çox artırıb

08 İyun 2023

Bu ilin I rübündə Azərbaycanın qarşılıqlı turizm xidmətlərinin dövriyyəsi ötən ilin eyni dövrü ilə müqayisədə 34,3 % artaraq 427,2 milyon ABŞ dolları təşkil edib.

Telejurnal.az bu barədə Azərbaycan Mərkəzi Bankına istinadən xəbər verir.

Məlumata görə, hesabat dövründə turizm xidmətləri üzrə idxalın dəyərinin (215,9 milyon ABŞ dolları) ixracın dəyərini (211,3 milyon ABŞ dolları) üstələməsi ilə 4,6 milyon ABŞ dolları kəsir yaranıb. Bu dövrdə xaricə səfər edən Azərbaycan vətəndaşlarının sayı 20,2%, Azərbaycana gələn xarici vətəndaşların sayı isə 49,8 % artıb.

Yanvar-mart aylarında xarici ölkələrin Azərbaycan rezidentlərinə turizmlə bağlı göstərilən xidmətlərin 61 %-i ölkə vətəndaşlarının şəxsi səfərləri ilə bağlı olub.

Sizin reklamınız burada ola bilər.