Azərbaycan Premyer Liqasında autsayderlər üçün “ölüm-dirim” oyunu

Bu mövsümün yekununda Misli Premyer Liqasında sonuncu yeri tutacaq komanda bu gün bəlli olacaq.

Telejurnal xəbər verir ki, sonuncu – 10-cu yeri tutmağa iki namizəd var – “Səbail” və “Şamaxı”. Bu gün keçiriləcək mövsümün sonuncu – 36-ci turun matçında hər iki komanda bir-biri ilə üz-üzə gələcək.

Hazırda “Səbail” 26 xalla 9-cu, “Şamaxı” isə 25 xalla 10-cu yeri tutur. Bugünkü görüşdə “Səbail”ə heç-heçə də sərf edir. “Şamaxı”ya isə mütləq qələbə lazımdır. Oyun saat 20:00-da başlanacaq.

Qeyd edək ki, daha əvvəl AFFA rəhbərliyi əvvəlki son illərdən fərqli olaraq bu mövsüm axırıncı yeri tutan komandanın Premyer Liqanı tərk edəcəyini açıqlayıb.