Azərbaycan Ordusunda koronavirusa qarşı mübarizə tədbirləri görülür
Azərbaycan Ordusunda koronavirusa qarşı mübarizə tədbirləri görülür.
‘TELEJURNAL’ ‘AZƏRTAC’-a istinadən xəbər verir ki, bunu Müdafiə Nazirliyinin mətbuat xidmətinin rəis müavini, polkovnik-leytenant Anar Eyvazov deyib.
O qeyd edib ki, Səhiyyə Nazirliyi ilə birlikdə görülən tədbirlər nəticəsində Azərbaycan Ordusunun şəxsi heyətinin 88 faizi koronavirusa qarşı birinci doza peyvəndi qəbul edib. Şəxsi heyətin 72 faizi ikinci, 8 faizi isə üçüncü doza peyvəndi qəbul edib. Koronavirus infeksiyası şübhəsi olan hərbi qulluqçular dərhal təxliyə edilir. Koronavirusa qarşı tədbirlər görmək üçün səyyar briqadalar yaradılaraq hərbi hissə və bölmələrə göndərilib.
https://azertag.az/xeber/Azerbaycan_Ordusunda_koronavirusa_qarsi_mubarize_tedbirleri_gorulur-1964644