Azərbaycan karateçisi: “Avropa Oyunlarında qələbə gözyaşlarını gözləyirik”

“Məşq prosesi həddindən artıq yorucu və ağır keçir. Buna baxmayaraq qələbə gözyaşlarını gözləyirik”.

Telejurnal  xəbər verir ki, bunu Azərbaycanın qadın karateçisi Fəridə Əliyeva Polşada keçiriləcək III Avropa Oyunları barədə Milli Olimpiya Komitəsinin mətbuat xidmətinə açıqlamasında deyib danışarkən deyib.

68 kq-dan yuxarı çəki dərəcəsində çıxış edən idmançı yarışın asan olmayacağını bildirib: “İlk dəfə Avropa Oyunlarında iştirak edəcəyəm. Mötəbər yarışa lisenziya qazandığım üçün çox xoşbəxtəm. Avropanın ən güclü 8 karateçisi turnirdə mübarizə aparacaq”.

Qeyd edək ki, III Avropa Oyunları iyunun 21-dən iyulun 2-dək təşkil olunacaq.