Azərbaycan ilə Avropa İttifaqı arasında imzalanan Strateji Tərəfdaşlığa dair Anlaşma Memorandumu Fransa mətbuatının diqqət mərkəzindədir.
Avropa Komissiyasının Prezidenti Ursula Fon der Lyayenin Azərbaycan Respublikasının Prezidenti İlham Əliyev ilə görüşü, Azərbaycan və Avropa İttifaqı (Aİ) arasında enerji sahəsində Strateji tərəfdaşlığa dair Anlaşma Memorandumunun imzalanması Fransa mətbuatının diqqət mərkəzindədir.
TELEJURNAL. az AZƏRTAC-a istinadla xəbər verir ki, Fransanın yazılı mətbuatı, eləcə də televiziya kanalları Avropa İttifaqının enerji təhlükəsizliyinin təmin edilməsində Azərbaycanın etibarlı strateji tərəfdaşı olduğunu qeyd edir.
Azərbaycan və Avropa İttifaqı arasında enerji sahəsində əməkdaşlığın tarixinə toxunulan məqalələrdə bildirilir ki, Aİ-nin 27 ölkəsi Avropa üçün əsas qaz istehsalçısı və ixracatçısı olan Azərbaycanın köməyinə müraciət ediblər.
Brüsselin Bakını qocaman Avropa qitəsi ilə birləşdirən üç qaz kəmərindən birini genişləndirmək istəyindən həbs olunur. Qeyd edilir ki, hazırda qaz dəhlizinə 3 qaz kəməri (Cənubi Qafqaz, Trans-Anadolu və Trans-Adriatik) daxildir.
2020-ci ildə istifadəyə verilən kompleks 2021-ci ildə 8 milyard kubmetr təbii qaz Avropaya ötürülüb və 2022-ci ildə bu rəqəmin 10 milyardı keçəcəyi gözlənilir.
“Aİ daha etibarlı enerji təchizatçılarına müraciət edir. Bu gün mən Azərbaycanda yeni müqavilə imzalamaq üçün gəlmişəm. Məqsədimiz Azərbaycandan Aİ-yə qaz nəqlini iki dəfə artırmaqdır”, – deyə Avropa Komissiyasının Prezidenti Ursula Fon der Lyayenin tviterdəki paylaşımında bildirilir.
Həmçinin məqalələrdə Azərbaycan ilə Avropa İttifaqı arasında enerji sahəsində əməkdaşlığın artıq 15 ilə yaxın tarixi olduğu, Gürcüstan və Türkiyə üzərindən keçməklə Avropaya çatdırılan Azərbaycan neftinin və qazının həmin ərazidəki ölkələrin enerji təminatı üçün böyük əhəmiyyət daşıdığı qeyd edilir.
Həmçinin Azərbaycanın Avropa İttifaqının etibarlı strateji tərəfdaşı olduğu vurğulanır.
