Azərbaycan-Belçika münasibətləri müzakirə edilib

Azərbaycan Respublikasının Belçika Krallığında səfiri Vaqif Sadıqov bu ölkə parlamenti senatının sədri Stefaniya D’oz ilə görüşüb.
“TELEJURNAL” AZƏRTAC -a istinadən xəbər verir ki, görüşdə ikitərəfli münasibətlərin gündəlikdə duran məsələlərinin geniş spektri müzakirə edilib. Azərbaycan və Avropa İttifaqı arasında, həmçinin Belçika Krallığı ilə ikitərəfli səviyyədə əməkdaşlığın inkişafının yüksələn dinamikası vurğulanıb.
Vaqif Sadıqov Belçika senatının sədrini regionda baş verən son proseslər barədə məlumatlandırıb.