AZAL: Bakı-İstanbul-Bakı aviareysləri sabah günün birinci yarısına keçirilib

İstanbul hava limanından alınan rəsmi məlumata əsasən, güclü qar səbəbindən yanvarın 26-sı saat 00:00-a qədər (İstanbul vaxtı ilə) hava limanının fəaliyyəti dayandırılıb.
“TELEJURNAL” AZƏRTAC-a istinadən xəbər verir ki, bununla əlaqədar olaraq, həm Bakı-İstanbul, həm də İstanbul-Bakı marşrutu üzrə AZAL-ın bütün planlaşdırılmış reyslərinin yerinə yetirilməsi sabah günün birinci yarısına keçirilib.
Bütün sərnişinlərdən yenilənmiş məlumatları aviaşirkətin Çağrı mərkəzindən, AZAL-ın İstanbul nümayəndəliyindən, KİV vasitəsilə və “Azərbaycan Hava Yolları”nın rəsmi sosial şəbəkə səhifələrindən almaları xahiş edilir.