Avropa Oyunları: Azərbaycan badmintonçuları məğlub olub – YENİLƏNİB – 2
Azərbaycan badmintonçuları Edi Reski Dviçayo və Ezmi Qovimuradmadhoni Polşada təşkil olunan III Avropa Oyunlarında kişilərin qoşa kateqoriyasında ilk görüşünü keçirib.
“Telejurnal” ın yarışa ezam olunmuş əməkdaşının məlumatına görə, idmançıların B qrupunda Böyük Britaniya təmsilçiləri Ben Leyn-Şon Vendi tandemi ilə üz-üzə gəlib.
Qarşılaşma rəqibin 2:0 (21-8,21-10) hesablı qələbəsi ilə bitib.
Azərbaycanın daha bir badmintonçusu Polşada təşkil olunan III Avropa Oyunlarında qələbə qazanıb.
“Telejurnal” ın yarışa ezam olunmuş əməkdaşının məlumatına görə, Keyşa Fatimə Zəhra D qrupunda litvalı Samanta Qolubikaite ilə üz-üzə gəlib.
Azərbaycan təmsilçisi rəqibini 2:0 hesabı ilə üstələyib.
Azərbaycan badmintonçusu Eddi Reski Dviçayo Polşada təşkil olunan III Avropa Oyunlarında mübarizəyə başlayıb.
“Telejurnal” ın yarışa ezam olunmuş əməkdaşının məlumatına görə, idmançı fərdi mübarizədə G qrupunda ilk görüşünü ispaniyalı Luis Enrike Penalveə qarşı keçirib.
Qarşılaşma Azərbaycan təmsilçisinin qələbəsi ilə yekunlaşıb – 2:1
Qeyd edək ki, III Avropa Oyunları iyulun 2-də başa çatacaq.