Avropa Liqası: “Fənərbağça”dan darmadağın, “Şkupi” səfərdə uduzub
UEFA Avropa Liqasında 2022/2023 mövsümünə start verilib.
“TELEJURNAL.AZ”ın məlumatına görə, turnir III təsnifat mərhələsininin ilk oyunları ilə başlayıb. Bu raundda 14 komandanın iştirakı ilə 7 görüş baş tutub.
Gecənin maraqla gözlənilən matçlarından biri Türkiyədə gerçəkləşib. “Fənərbağça” evdə Çexiyanın “Slovaçko” komandasını darmadağın edib – 3:0.
Çempionlar Liqasının (ÇL) III təsnifat mərhələsində mübarizə aparan Azərbaycan təmsilçisi “Qarabağ”ın Avropa Liqasının pley-offundakı potensial rəqibləri olan İrlandiyanın “Şemrok Rovers” və Şimali Makedoniyanın “Şkupi” klubları Dublində üz-üzə gəliblər. Qarşılaşma meydan sahiblərinin 3:1 hesablı qələbəsi ilə başa çatıb. “Köhlən atlar” ÇL-də Macarıstan “Ferentsvaroş”unu keçə bilməsə, bu cütün qalibi ilə qarşılaşacaq. Ağdam təmsilçisi Bakıdakı ilk matçda Budapeşt klubu ilə heç-heçəyə razılaşıb – 1:1.
UEFA Avropa Liqası
III təsnifat mərhələsi, ilk oyunlar
4 avqust
20:00. AEK (Larnaka, Kipr) – “Partizan” (Serbiya) – 2:1
Qollar: Anhel Qarsiya, 34. Xrvoe Miliçeviç, 70 – Kvensi Meniq, 18
21:00. “Malmö” (İsveç) – “Düdelanj” (Lüksemburq) – 3:0
Qollar: İsaak Telin, 51. Ula Toyvonen, 81. Belko Birmançeviç, 85
Qırmızı vərəqə: Şarl Morren, 31 (“Düdelanj”)
21:00. “Fənərbağça” (Türkiyə) – “Slovaçko” (Çexiya) – 3:0
Qollar: Emre Mor, 17. Linkoln Enrike, 45+2; 81
Qırmızı vərəqə: Stanislav Hofman, 48 (“Slovaçko”)
22:15. “Maribor” (Sloveniya) – HİK (Helsinki, Finlandiya) – 0:2
Qollar: Devid Braun, 47. Boyan Raduloviç, 64
22:45. “Linfild” (Şimali İrlandiya) – “Sürix” (İsveçrə) – 0:2
Qollar: Tosin Ayequn, 8. Vilfred Qnonto, 64
23:00. “Şemrok Rovers” (İrlandiya) – “Şkupi” (Şimali Makedoniya) – 3:1
Qollar: Qrehem Burk, 13 (penalti). Dilan Uotts, 29. Qari Onill, 90+7 – Keven, 77
Qırmızı vərəqə: Valid Həmidi, 84 (“Şkupi”)
23:00. “Olimpiakos” (Yunanıstan) – “Slovan” (Bratislava, Slovakiya) – 1:1
Qollar: Yusuf El-Arabi, 87 – Andre Qrin, 63
Qeyd edək ki, bu mərhələnin cavab görüşləri avqustun 11-də keçiriləcək.
