Avropa Komissiyasının rəhbəri: “Aİ-nin qaz anbarları 64% dolub”.
“Avropa İttifaqının (Aİ) yaratdığı birgə anbarlar 64% dolub”.
TELEJURNAL. az Report -a istinadla xəbər verir ki, bunu Avropa Komissiyasının (AK) Prezidenti Ursula fon der Lyayen brifinqdə bildirib.
“Rusiyanın Ukraynaya qarşı işğalı 147 gündür ki, davam edir, lakin biz bilirik ki, yüksək qaz qiymətlərinə baxmayaraq, Rusiya hələ müharibədən öncə də qaz nəqlini minimuma endirmişdi”, – o deyib.
AK Prezidenti qeyd edib ki, Aİ-yə üzv 12 ölkə Rusiya qazının tədarükünün tam və ya qismən dayandırılmasından zərər çəkib. “Rusiya enerjidən silah kimi istifadə edərək bizi şantaj edir. Avropa buna hazır olmalıdır”, – o bildirib.
“Biz digər etibarlı mənbələrdən tədarükü artırmalıyıq. Bizim ABŞ-la sazişimiz var, Norveç, Qətər və Fars körfəzi ölkələri də bu məsələdə xeyli fəallaşıb…Tədarükün artırılması haqqında qarşılıqlı anlaşma memorandumunu imzalamaq üçün iki gün öncə Azərbaycana səfərimiz baş tutdu”, – Ursula fon der Lyayen bildirib.
AK Prezidenti bərpa olunan enerji mənbələrinin zəruriliyini vurğulayaq Aİ-nin bu enerji növünün tədarükünün artırılması üzərində işlər apardığını əlavə edib.
