Avropa çempionatı: Azərbaycan boksçusu italiyalı rəqibinə qalib gəlib

Azərbaycan boksçusu Elbrus Kərimli Rumıniyanın Ployeşti şəhərində keçirilən gənclər arasında Avropa birinciliyinə qələbə ilə başlayıb.

Telejurnal-ın  məlumatına görə, 54 kq çəkidə mübarizə aparan idmançı Françesko Krusilyanı (İtaliya) məğlub edib.

O, 1/16 finalda baş tutan döyüşdə 3:2 (29:28, 29:28, 28:29, 29:28, 28:29) hesabı ilə qalib gəlib. Kərimli ikinci qarşılaşmasında şotlandiyalı Yakub Naismitlə üz-üzə gələcək.

Qeyd edək ki, 32 ölkədən 378 (260 oğlan, 118 qız) boksçunun qatıldığı Avropa birinciliyinin dördüncü günündə Azərbaycan millisinin 4 üzvü rinqə çıxacaq.