Avro-2024-ün maskotu təqdim olundu – Şəkil

UEFA öz rəsmi saytında 2024-cü ildə Almaniyada keçiriləcək  Avropa çempionatının rəsmi maskotunu təqdim edib.

Telejurnal xəbər verir ki, maskot oyuncaq ayıdır. Bu, ilk dəfə Gelzenkirxendəki ibtidai məktəblərdən birində təqdim edilib.

“Maskot 20-ci əsrin əvvəllərində Almaniyada yarandığı deyilən məşhur uşaq oyuncağı olan oyuncaq ayıya hörmət edir” – UEFA-nın bəyanatında bildirilir.

Növbəti iki həftə ərzində UEFA-nın saytında azarkeşlər yeni maskotun adına səs verə biləcəklər.

Avro 2024 gələn il iyunun 14-dən iyulun 14-dək Almaniyanın 10 şəhərində keçiriləcək. Turnirin qrup mərhələsində 24 komanda mübarizə aparacaq.