ANAMA kollektivi Ulu Öndərin məzarını ziyarət edib

1998-ci il Ulu Öndər Heydər Əliyevin müvafiq Sərəncamı ilə yaradılan Azərbaycan Minatəmizləmə Agentliyi (ANAMA) cari ilin 18 iyul tarixində 25 illik yubileyini qeyd edir.

Bu barədə   ANAMA-dan məlumat verilib.

Bildirilib ki, bu münasibətlə Agentliyin İdarə Heyəti üzvləri və struktur bölmələri rəhbərləri Fəxri xiyabana gedərək müstəqil Azərbaycanın memarı və qurucusu, görkəmli dövlət xadimi, Ümummilli Lider Heydər Əliyevin xatirəsini ehtiramla yad edib, məzarı önünə əklil və gül dəstələri qoyublar.

Həmçinin ANAMA-nın İdarə Heyəti görkəmli oftalmoloq alim, akademik Zərifə xanım Əliyevanın məzarı üzərinə tər gül dəstələri düzüb, xatirəsini ehtiramla yad ediblər.