Almaniyada son iki gündə iki nazir koronavirusa yoluxub
Bakı, 14, TELEJURNAL AZƏRTAC istinadən xəbər verir ki,
Almaniyanın ədliyyə və istehlakçı hüquqlarının müdafiəsi naziri Marko Buşman koronavirusa yoluxduğunu bildirib.
xarici KİV xəbər verir ki, Marko Buşman son iki gündə koronavirusa yoluxan ikinci almaniyalı nazirdir. Bir gün öncə Almaniyanın vitse-kansleri, iqtisadiyyat naziri Robert Habekin koronavirusa yoluxduğu məlum olub. İyun ayında isə xarici işlər naziri Annalena Berbok COVID-19 infeksiyasına yoluxmuşdu.
Payız aylarında Almaniyada pandemiyanın yeni dalğasının başlayacağı ilə bağlı narahatlıqlar artmaqdadır. Yoluxma hallarının sayı ötən ayın sonlarından etibarən nəzərəçarpacaq dərəcədə çoxalmağa başlayıb. Son sutka ərzində ölkədə 150 minə yaxın yoluxma aşkarlanıb, 145 nəfər isə infeksiya səbəbindən həyatını itirib. Ekspertlər qeyd edirlər ki, reallıqda koronavirusa yoluxanların sayı daha çoxdur.
Hazırda Almaniyada demək olar ki, bütün koronavirus məhdudiyyətləri aradan qaldırılıb. Yalnız ictimai nəqliyyatda və poliklinikalarda maska taxmaq məcburidir.