Abşeron rayonunda fəaliyyət göstərən sahibkarlarla görüşlər keçirilib
Kiçik və Orta Biznesin İnkişafı Agentliyinin (KOBİA) təşkilatçılığı ilə Abşeron rayonunda fəaliyyət göstərən qadın sahibkarlar və istixana təsərrüfatı ilə məşğul olan sahibkarlıq subyektləri ilə görüşlər keçirilib.
“TELEJURNAL” AZƏRTAC-a istinadan xəbər verir ki, 30-a yaxın sahibkarlıq subyektinin iştirakı ilə təşkil olunmuş görüşlərdə agentliyin, Sahibkarlığın İnkişafı Fondunun, Qida Təhlükəsizliyi Agentliyinin, “Azəriqaz” İB-nin, “Azərişıq” ASC-nin, Abşeron KOB İnkişaf Mərkəzinin (KOBİM) və “Kapital Bank” ASC-nin nümayəndələri iştirak ediblər. Dövlət-sahibkar əməkdaşlığı platforması çərçivəsində təşkil olunmuş görüşlərdə müvafiq olaraq istixana şəraitində becərilən məhsulların əkilməsi qaydaları və saxlanılması, maliyyə resurslarına çıxış, kadr potensialının gücləndirilməsi və digər məsələlər müzakirə olunub. Görüşlərdə, həmçinin sahibkarların təklifləri dinlənilib, onları maraqlandıran suallar cavablandırılıb.
