ABŞ Ukraynaya silah və hərbi müşavirlərin göndərilməsinin mümkünlüyünü nəzərdən keçirir
Ağ ev administrasiyası Ukraynaya əlavə silah göndərilməsinin mümkünlüyünü nəzərdən keçirir.
‘TELEJURNAL’ ‘AZƏRTAC’-a istinadən xəbər verir ki, bu barədə CNN telekanalı Amerika hökumətində olan mənbələrinə istinadla bildirir.
Mənbənin sözlərinə görə, yeni hərbi yardım paketinə tankəleyhinə əlavə “Javelin” kompleksi və minaatanlar daxil edilə bilər. Həmçinin bundan əvvəl Əfqanıstan ordusu üçün nəzərdə tutulan “Stinger” daşına bilən zenit-raket komplekslərinin, “Mi-17” helikopterlərinin verilməsi ehtimalı nəzərdən keçirilir.
CNN mənbələri əlavə edir ki, ABŞ-ın regiona öz hərbi müşavirlərini göndərməyə hazırlaşmasına baxmayaraq, onlardan hər hansının şəxsən gələ biləcəyi hələ aydın deyil.
https://azertag.az/xeber/ABS_Ukraynaya_silah_ve_herbi_musavirlerin_gonderilmesinin_mumkunluyunu_nezerden_kechirir-1934088