ABŞ Ukraynaya 2,1 milyardlıq yardım ayırdı

Vaşinqton Kiyevə 2,1 milyard dollarlıq yeni hərbi yardım paketini açıqlayıb.

Telejurnal xəbər verir ki, bu barədə BBC məlumat yayıb.

Bu yardıma Ukrayna üçün çox ehtiyac duyulan hava hücumundan müdafiə texnikası və sursat daxildir.

Pentaqonun məlumatına görə, paketə “Patriot” hava hücumundan müdafiə sistemləri və HAWK raketləri üçün döyüş sursatı, 105 mm və 203 mm-lik artilleriya mərmiləri, “Puma” pilotsuz uçuş sistemləri və lazerlə idarə olunan raket sistemləri üçün sursat daxildir.

Bundan əlavə, silah təlimi və texniki xidmət proqramı maliyyələşdiriləcək,

Qeyd edək ki, Rusiyanın tammiqyaslı işğalı başlayandan bəri ABŞ artıq Ukraynaya 39,7 milyard dollar yardım edib.